घट्ट

सुन भाई कस्तो हुन्छ घट्ट घुम्ने पानि
मुहानबाट डोर्याउछन् कुलो तानी तानी


चेप्टोचाक्लो जोडीमिल्ने बज्रढुंगा छानी
खोप्नु पर्छ दुबैलाई छिनो हानी हानी


पानीलाई छाँगाबाट खसालेर थानी (मदानी टेकाउने आधार )
पल्लालाई धारले हान्ने बनाइन्छ मदानी


जल प्रपातले हान्दा घुम्छ भन्ने ठानी
एक तल्ला माथि उठाई ठिक राखेर मानि


सोली ठड्याई घट्ट माथि चारै सुरमा बानि
ठिक्क पारि घान लाउन यौटी चरी सानी

घट्टघुम्दा अड्कलदिन्छे प्वालमा दाना जानी
पिसिएर पिठो बन्छ ढीडो रोटि खानि

ब्यबहार राम्रो गर्ने घटेरो को बानी
उसको कमाइ त्यहिनै हो ज्याला लिन्छ नानि

जिबिका उ चलाउँछ आफ्नो प्राण धानी
अलिकति थापिदेर बन तिमि दानी


पढी सक्यौ सुनी सक्यौ कस्तो रेछ घट्ट
सोधिहाले अब तिमि भन्न सक्छौ झट्ट