·
आँखी भौ छ पालि जस्तो
जिभ्रो भने फाली जस्तो
नाकमुनि बगी रा' छ
बकेर्नोको छाली जस्तो !
ओडारको भित्र आँखा
हेर्दा खेरि खाली जस्तो
आफ्निलाई संधै देख्छन
हाँडी मुसे काली जस्तो !
युवा कोहि सामुन्नेमा
देखे बोल्छन गालि जस्तो
युबतिमा आँखा भने
सबै आफ्नै शालि जस्तो !
निधारको ढांचा हेर्दा
कुच्चिएको थालि जस्तो
शिरबाट टोपी झिके
गाई चरेको बालि जस्तो !
चिया पसल यत्र तत्र
देखिदा यी जाली जस्तो
भनि ठान्छन आफुलाई
बिहानको लाली जस्तो !
No comments:
Post a Comment