रामै प्यारो !

काम गरि खानेलाई   कामै   हुदो रे'छ प्यारो
किर्ति राख्न चाहनेलाई नामै हुदो रे'छ प्यारो
१
उज्यालोको लागि मात्र  विकल्प छन्  धेरै
शिक्ष्याज्योति जीवनको घामै हुदो रे'छ प्यारो
२
अचानोले   थाहा   पाउछ   खुकुरीको    धार
चलन्, रिति थाम्न आफ्नो गामै हुदो रे'छ प्यारो
३
टाडा किन  जानु  पर्यो   पुण्य  कमाउन
सत्संगत भेटे त्यहि धामै हुदो रे'छ प्यारो
४
जति  बन  अहंकारी  उमेरले   अन्धो
को होला र आखिरमा ''रामै'' हुदो रे'छ प्यारो