यौटा अनुरोध शिबजिलाई !!

कैलासको मझेरीमा बसी सर्को नतान है !
डुब्न आट्यो विभाजनले यस्तो धर्को नतान है !
1
जति बस्छौ तिमि आफै यहाको नागरिक भै !
प्रदुषण सही बस्दा पल्लो घरको नतान है !!
2
मच्चियो खिचडीतन्त्र चुलियो राज्य विप्लब !
अनुशासन राख्नु छ न्याय थरको नतान है !!
3
खुल्नेछ कहिले तिम्रो नेत्र तेस्रो छ काम के !
हुन्छ रे ज्येठमा केके भोट करको नतान है !!
4
समस्या यो नसुल्झाई निद्रा लाग्ला छिटै बरु !
मृगचर्म हटाएर सुत्न बर्को नतान है !!