गीत

लालालाला लाला लाला लाला लाला ला..ला
हुँ हुँ हुँ हुँ हुँ हुँ हुँ हुँ  हुँ हुँ हुँ हुँ हूँ.. हुँ
~
मलाइ हेरी रुन  थाले तारा  मण्डल जून
कहिले पनि आइनौ तिमि मेरी आफ्नी हुन
~
पर्खी बसें आउछ्यौ भनि मेरो जिन्दगीमा
बसन्तको बहार नैं बस्यो बन्धकीमा
~
जताततै हेर्छु  सबै बाला झुल्ने  खेत
तिम्रो माया झुल्किएन थारै बस्यो बेत
~
संसारको रितिथिति ढुकुरका  जोडी
कति बसूँ बाटो हेर्दै मुटु गयो छोडी
~
मरिच आफै चाउरी पर्यो जिरा नपाउनाले
मनको कुरा मनमै सुक्यो तिर्खा हराउनाले
~
जलधारा बनि   आउ प्यास  बुझाउन
धुरु धुरु मन रोयो लैजाऊ  डुलाउन
~
पिरतीमा काडा बिझ्यो थाल्यो बिजाउन
आशु खसी भुइमा सुक्यो आउ हसाउन
~
तोरी फुल्यो गुरास फुल्यो बन फुल्ने हैन
तिमि बिनाको मेरो मन कहि  भुल्ने छैन
~
मलाइ हेरी रुन  थाले तारा  मण्डल जून
कहिले पनि आइनौ तिमि मेरी आफ्नी हुन