पिउने बानी

टाढै बाट  झ्वाट्ट  देखिन तर्कू  जस्तो लाग्यो
जाउ कि नजाउ दोमन भयो पर्खु जस्तो लाग्यो
``
यतिकैमा नजिक भइन छिटो पाइला चाली
मनमा मेरो शंका उठ्यो फर्कू जस्तो लाग्यो
``
भूल मेरो आफ्नै थियो लुकी छिपी पिउने
उल्टै दोष देखाएर सर्कू  जस्तो लाग्यो
``
कति मिठो बोलि बोलिन मनै लोभ्याएर
तर आफ्नो पोल खुल्दा झर्कू जस्तो लाग्यो
``
बानि मेरो थाहै थियो सम्झाउन खोजिन
उनैमाथि प्रत्यारोप छर्कू जस्तो लाग्यो
``
नारीमाथि पुरुषको अत्याचार सम्झे
महसुश भयो आफै मर्कू जस्तो लाग्यो
``
चटक्क नै छुट्यो मेरो फेरी पिउने काम
पिउने बानी गर्ने माथि दर्कू जस्तो लाग्यो